დღეს, საქართველოს უნივერსიტეტში მაშტაბური  სტუდენტური ფორუმი ჩატარდა.   ფორუმი დატვირთული  იყო სხვადასხვა გასართობი და შემეცნებითი  ღონისძიებით, რომელშიც მონაწილეობა  კლუბის წევრებმა მიიღეს.  

ფორუმზე გაიმართა გამოფენა, სადაც წარმოდგენილი იყო საქართველოს უნივერსიტეტში არსებული ყველა კლუბი, საერთაშორისო ორგანიზაციები, რომლებიც თანამშრომლობენ საქართველოს უნივერსიტეტთან, რობოტიკისა და ინჟინერიის ლაბორატორია - „UG Limes“, მობილური აპლიკაციების ლაბორატორია- “UG Lemondo” და პირველი სტუდენტური სტარტაპი- „Sturt – up Nest”.  აგრეთვე გაიმართა სტუდენტური ცხოვრების პრეზენტაცია.

სტუდენტური ცხოვრების ფორუმი სტუდენტური კლუბებისა და ინოვაციების სამსახურის და სტუდენტური თვითმართველობის ინიციატივით ჩატარდა.